Hüquqi

Məxfilik siyasəti

Şəxsi məlumatlarınızın toplanması, istifadəsi və qorunması haqqında tam icmal.

Son yenilənmə: 14 avqust 2026

1. Hansı məlumatları toplayırıq?

Konsultasiya sorğusu doldurarkən: ad, soyad, telefon, email (opsional) və sərbəst mətn şəklində yazdığınız mesaj.
Sorğu ilə birlikdə maraqlandığınız əməliyyat və seçdiyiniz həkim barədə məlumat.
Saytdan istifadə zamanı texniki məlumatlar: brauzer növü, IP ünvanı, baxılan səhifələr, müraciət tarixi.
Marketinq mənbə məlumatları (utm parametrləri) və hansı axtarış və ya süni intellekt xidmətindən keçib gəldiyiniz.

Maraqlandığınız estetik əməliyyat, seçdiyiniz həkim və mesajınızda yazdıqlarınız sizin səhhətinizə aid məlumat sayılır.
Fərdi məlumatlar haqqında Qanunun 2.1.6-cı maddəsinə görə səhhətə aid məlumatlar xüsusi kateqoriyalı fərdi məlumatlardır.
Həmin Qanunun 9.7-ci maddəsinə görə belə məlumatların işlənilməsinə yol verilmir - yalnız sizin yazılı razılığınız olduqda (maddə 9.7.1-1) mümkündür.
Buna görə sorğu formasında bunun üçün ayrıca razılıq xanası var. Onu işarələmədən sorğu göndərilmir.
Sizdən yalnız müraciətinizi düzgün ünvanlamaq üçün zəruri olan həcmdə məlumat istəyirik (maddə 11.1). Diaqnoz, analiz nəticəsi, tibbi sənəd və ya şəkil göndərməyinizi tələb etmirik - sorğu formasına belə məlumat yazmayın.
Razılığınızı istənilən vaxt geri götürə bilərsiniz - bax bölmə 8.

Adi əlaqə məlumatları üçün: sizin razılığınız (Fərdi məlumatlar haqqında Qanun, maddə 9.6.1).
Səhhətə aid məlumatlar üçün: sizin ayrıca verdiyiniz yazılı razılıq (maddə 9.7.1-1).
Məlumatlarınızı klinika və ya həkimə ötürmək üçün: sizin bu barədə razılığınız (maddə 13.1).
Məqsədimizi əvvəlcədən bəyan edirik və məlumatları yalnız həmin məqsəd üçün işləyirik (maddə 9.1).

Sorğunuzu uyğun klinika və həkimə yönləndirmək üçün.
Sizinlə WhatsApp, telefon və ya email vasitəsilə əlaqə saxlamaq.
Saytın necə istifadə olunduğunu anlamaq üçün statistika.
Hüquqi öhdəliklərə uyğun məlumat saxlanması.
Sizin barənizdə yalnız avtomatlaşdırılmış üsulla qərar qəbul etmirik. Belə bir hal olarsa, ona etiraz etmək hüququnuz var (maddə 7.3).

Sizin razılığınızla - sorğunuza uyğun seçilmiş klinika və/və ya həkim ilə. Razılıq olmadan ötürmürük (maddə 13.1).
Texniki xidmət təminatçılarımız ilə, məhdud həcmdə: Supabase (verilənlər bazası və fayl saxlama), Vercel (hosting), Microsoft Azure (tərcümə, məzmun təhlükəsizliyi və süni intellekt köməkçisi), Resend (email bildirişləri), WhatsApp Cloud API - Meta (sorğu bildirişlərinin çatdırılması).
Vercel Analytics və Vercel Speed Insights ilə - səhifələrimizin nə qədər sürətli açıldığını ölçür və həmişə işləyir.
Microsoft Clarity, Google Analytics, Meta piksel və TikTok piksel ilə - sayt istifadəsini anlamaq və reklam effektivliyini ölçmək üçün. Bunlar yalnız kuki razılığınızdan sonra yüklənir.
Üçüncü tərəflərə marketinq məqsədilə HEÇ VAXT satılmır.

Yuxarıda sadalanan texniki təminatçıların serverləri Azərbaycandan kənarda yerləşir. Bu, Fərdi məlumatlar haqqında Qanunun 2.1.16-cı maddəsi mənasında transsərhəd ötürülmədir.
Qanunun 14.3-cü maddəsinə görə subyekt razılıq verdikdə transsərhəd ötürülmə məlumatların hüquqi mühafizəsi səviyyəsindən asılı olmayaraq həyata keçirilə bilər.
Sorğu formasındakı razılıq bu ötürülməyə də şamil edilir. Xidmət bu təminatçılar olmadan işləmədiyi üçün razılıq vermədən sorğu göndərmək mümkün deyil.
Ötürülən məlumatların təhlükəsizliyi bizim məsuliyyətimizdədir (maddə 14.4).

Sorğu məlumatları: müraciətinizlə bağlı proses başa çatdıqdan və saxlanılma zərurəti aradan qalxdıqdan sonra təxirə salınmadan məhv edilir (maddə 9.4).
Səhhətə aid məlumatlar: razılığınızı geri götürdükdə və ya işlənilmə əsası aradan qalxdıqda dərhal qadağa qoyulur; saxlanılmasına və ya arxivə verilməsinə razılıq vermədiyiniz halda təxirə salınmadan məhv edilir (maddə 9.8).
Texniki loglar: maksimum 12 ay.
Marketinq icazəsi: siz geri götürənə qədər.

Verdiyiniz razılıq siz onu geri götürənə qədər qüvvədədir.
Razılığı istənilən vaxt, səbəb göstərmədən geri götürə bilərsiniz: [email protected] ünvanına yazın və ya +994 55 946 18 35 nömrəsinə zəng edin.
Razılıq geri götürüldükdə məlumatlarınızın toplanılmasını və işlənilməsini dərhal dayandırırıq (maddə 7.2).
Razılığın alındığını sübut etmək bizim vəzifəmizdir (maddə 8.4), buna görə razılığın verildiyi faktı və vaxtı qeyd olunur.

Barənizdə hansı məlumatların olduğunu, kimin topladığını və onların məzmununu bilmək (maddə 7.1.1, 7.1.3).
Toplanmanın və üçüncü şəxsə verilmənin hüquqi əsaslandırılmasını tələb etmək (maddə 7.1.2).
İşlənilmə məqsədini, müddətini, üsullarını və məlumatlarınıza girişi olan şəxslərin dairəsini bilmək (maddə 7.1.4).
Yanlış və ya köhnəlmiş məlumatların dəqiqləşdirilməsini, habelə məhv edilməsini tələb etmək (maddə 7.1.5).
Toplanmaya və işlənilməyə qadağa qoyulmasını tələb etmək (maddə 7.1.6).
Məlumatların hansı mənbədən əldə edildiyini bilmək (maddə 7.1.7).
Səbəb göstərmədən etiraz etmək - etirazınızı aldıqda işlənilməni dərhal dayandırırıq (maddə 7.2).
Marketinq əlaqəsindən imtina etmək.
Bu hüquqları həyata keçirmək üçün [email protected] ünvanına müraciət göndərin. Qanun kağız formatında yazılı ərizə və şəxsiyyəti təsdiq edən sənəd, yaxud gücləndirilmiş elektron imzalı elektron sorğu formasını nəzərdə tutur (maddə 7.5).
Müraciətinizə ödənişsiz və ən geci 7 iş günü ərzində cavab veririk (maddə 12.1, 12.4).
Hüquqlarınızın pozulduğunu düşünürsünüzsə, müvafiq icra hakimiyyəti orqanına və ya məhkəməyə şikayət edə bilərsiniz (maddə 7.4).

Sayt 18 yaşına çatmış şəxslər üçün nəzərdə tutulub.
Yetkinlik yaşına çatmayan şəxs barədə məlumatların işlənilməsinə razılığı yalnız valideyn və ya qanuni nümayəndə verə bilər (maddə 8.3).
18 yaşadək şəxsin belə razılıq olmadan məlumat göndərdiyini aşkar etsək, həmin məlumatları məhv edirik.

Bütün məlumat ötürülmələri TLS şifrələmə ilə qorunur.
Server və verilənlər bazasına giriş yalnız səlahiyyətli komanda üzvləri üçündür.
Məlumatların təsadüfi və ya icazəsiz məhv edilməsinin, itirilməsinin və dəyişdirilməsinin qarşısını alan texniki-təşkilati tədbirlər görürük (maddə 5.8).
Mütəmadi təhlükəsizlik audit və yoxlamaları.